Monday, January 30, 2023
HomeEntertainmentလူမိုက်ကနေ သူရဲကောင်းတစ်ဦးဖြစ်လာပုံကို ကြည့်ရမယ့် "ရင်ကွဲလူမိုက်"

လူမိုက်ကနေ သူရဲကောင်းတစ်ဦးဖြစ်လာပုံကို ကြည့်ရမယ့် “ရင်ကွဲလူမိုက်”

2007 ခုနှစ်တွင်ထွက်ရှိခဲ့တဲ့ ‘ရင်ကွဲလူမိုက်’ ဇာတ်ကားဟာ အိန္ဒိယအက်ရှင်ဇာတ်ကားတစ်ကားဖြစ်ပြီး ဇာတ်ညွှန်းဒါရိုက်တာအဖြစ် Sukumar က ရိုက်ကူးပုံဖော်ထားတာ ဖြစ်ပါတယ်။ ဒီဇာတ်ကားတွင် မင်းသား Ram, Pradeep Rawat, Prakash Raj, မင်းသမီး Isha Sahani နဲ့ သရုပ်ဆောင်များစွာက ပါဝင်သရုပ်ဆောင်ထားကြပါတယ်။ နောက်ပြီး ဒီဇာတ်ကားဟာ Sukumar ရဲ့ အကောင်းဆုံးဇာတ်ကားတွေထဲက တစ်ကားအဖြစ်လည်း သတ်မှတ်ခံထားရတာ ဖြစ်ပါတယ်။

pinterest.com

ဇာတ်လမ်းပုံစံက Seenu ဟာ ငယ်စဉ်ကတည်းက ရန်ပွဲတွေကို နှစ်သက်သူတစ်ယောက်ဖြစ်ပါတယ်။ သူဟာ သူ့ရဲ့ဆရာအပါအဝင် အားလုံးက သူ့ကိုကြောက်နေရတဲ့ Manikyam လိုမျိုး ဖြစ်ချင်တာဖြစ်ပါတယ်။ ယောက်ျားလေးအများစုက အင်ဂျင်နီယာ၊ ဆရာဝန်၊ ရှေ့နေနဲ့ အခြားအသက်မွေးဝမ်းကြောင်း အလုပ်တွေကို လုပ်ကိုင်ချင်ကြပေမယ့်လို့ Seenu ကတော့ လူဆိုးတစ်ဦးသာ ဖြစ်ချင်နေခဲ့ပါတယ်။

နောက်ပိုင်းတွင် Seenu က နိုင်ငံရေးသမားတစ်ဦး သို့ အာဏာရှိသူတစ်ယောက်ရဲ့ ထောက်ခံမှုကို ရယူသင့်တယ်ဆိုတာ သဘောပေါက်လာကာ Laddu ရဲ့အကူအညီဖြင့် Manikyam နဲ့ တွေ့ဆုံကာ သူ့ရဲ့ဂိုဏ်းနဲ့ပူးပေါင်းခဲ့ပါတယ်။ အဲဒီနောက်မှာတော့ Seenu တစ်ယောက် Subbalakshmi ဆိုတဲ့ကောင်မလေးကို ချစ်မိသွားခဲ့ပြီး သူမက သူငယ်ချင်းရဲ့ဖခင်အတွက် Seenu ဆီတွင် အကူအညီတောင်းခဲ့တာ ဖြစ်ပါတယ်။ Seenu ကလည်း မြေယာစာချုပ်နဲ့ပတ်သက်တဲ့ Subbalakshmi ရဲ့အကူအညီတောင်းမှုကို လက်ခံခဲ့ပေမယ့် ဒီမြေဟာ Manikyam ဂိုဏ်းရဲ့ တရားမဝင်သိမ်းပိုက်မှုအောက်တွင် ရှိနေခဲ့တာ ဖြစ်ပါတယ်။

youtube.com

စာချုပ်ကို အဆင်ပြေစေမယ်လို့ ကတိပေးထားခဲ့တဲ့ Seenu ဟာ Manikyam ကို ဆန့်ကျင်ဖို့ဖြစ်လာခဲ့ပြီး ဒါဟာ Seenu ကို သူရဲကောင်းတစ်ဦး ဖြစ်လာစေခဲ့တာ ဖြစ်ပါတယ်။ အဲဒီနောက်မှာတော့ Seenu ဟာ လူတွေကိုကူညီမှုတွေ စလုပ်လာခဲ့ကာ အကြမ်းဖက်မှုဟာ သူ့ရဲ့သွားရာလမ်းမဟုတ်ကြောင်းကို သဘောပေါက်ခဲ့ပါတယ်။

‘ရင်ကွဲလူမိုက်’ အိန္ဒိယအက်ရှင်ဇာတ်ကားကို https://www.viu.com/ott/mm/mya/all/ တွင် ဝင်ရောက်ကြည့်ရှုနိုင်ပါတယ်။

RELATED ARTICLES

Leave a Reply

- Advertisment -

Most Popular

Recent Comments

%d bloggers like this: