Home

‘ဥပဒေတိုက်ပွဲ’ တရုတ်ဒရာမာဇာတ်လမ်းတွဲတွင် မင်းသမီး Kay Tse, Dada Chan, Li Sum Ling, Kaki Sham, JJ Jia, Rebecca Chan, Candice Yu နဲ့ အခြားသရုပ်ဆောင်များစွာက ပါဝင်ထားတာဖြစ်ပါတယ်။ ဇာတ်လမ်းပုံစံက နတ်ဆိုးရဲ့ဆက်ခံသူအဖြစ် ချီးကျူးခြင်းခံထားရတဲ့ Angel ဟာ ဂန္ထဝင်ရှေ့နေ Shek Kai ရဲ့ အလုပ်သင်တစ်ဦး ဖြစ်ပါတယ်။ သူတို့တွေကို အထက်တန်းစားပုဂ္ဂိုလ်တွေက ငှားရမ်းလေ့ရှိပြီး သူတို့ဟာ သူတို့ရဲ့အမှုကိစ္စအောင်မြင်မှုရနိုင်ဖို့ ဘာမဆိုလုပ်ဆောင်တတ်ကြပါတယ်။ အမြဲတမ်းအလုပ်တွေ ရှုပ်နေတတ်တာကြောင့် Angle နဲ့ သူမရဲ့ခင်ပွန်း ရှေ့နေတစ်ဦးဖြစ်တဲ့ Manson တို့ရဲ့ ဆက်ဆံရေးဟာ တဖြည်းဖြည်း အေးစက်လာခဲ့ကြပါတယ်။

ဒီလိုနဲ့ လင်မယားနှစ်ယောက် ကွာရှင်းပြတ်စဲဖို့ဆုံးဖြတ်လိုက်ကြပြီး သားဖြစ်သူ Lucas ရဲ့အုပ်ထိန်းမှုနဲ့ပတ်သက်ကာ အငြင်းပွားမှုဖြစ်လာခဲ့ပါတယ်။ အဲဒီနောက်မှာတော့ သူမရဲ့ပုံရိပ်ကိုမြှင့်တင်ပြီး သားဖြစ်သူ Lucas ရဲ့ အုပ်ထိန်းခွင့်ကို ရယူနိုင်ဖို့အတွက် Angle ဟာ တရားရင်ဆိုင်နိုင်ရေး အမှုတစ်ခုကို လက်ခံလိုက်ပါတယ်။ ဒီအမှုက လူသတ်တယ်ဟုစွပ်စွဲခံထားရတဲ့ တစ်ကိုယ်ရည်မိခင် Lisa ကို ကာကွယ်ပေးရန်ဖြစ်ပါတယ်။ ဒီတစ်ခေါက်မှာတော့ သူမရဲ့အမှုအတွက် Angle ဟာ Shek ကို ဆန့်ကျင်ဖို့ဖြစ်လာရပါတယ်။ ဆရာနဲ့ အလုပ်သင်ကြားတွင် ဖြစ်ပေါ်လာခဲ့တဲ့ ဒီတိုက်ပွဲမှာ ဘယ်သူကအနိုင်ရမယ်လို့ ထင်လဲ။ ထုတ်လွှင့်ပြသနေဆဲဖြစ်တဲ့ ‘ဥပဒေတိုက်ပွဲ’ တရုတ်ဒရာမာဇာတ်လမ်းတွဲကို မြန်မာစာတန်းထိုးဖြင့် https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

‘သတို့သားလောင်းရှာပုံတော်’ မလေးရှားဒရာမာစီးရီးဟာ Nadia Khan, Mamu Vies, Azhar Amirulhisyam, Syarul Akmal, Baizura Kahar နဲ့ Qawiem Hamizan တို့က ဇာတ်ညွှန်းရေးသားထားပြီး ဒါရိုက်တာ Faliq Sharif က ရိုက်ကူးပုံဖော်ထားတဲ့ စိတ်ကူးယဉ် အချစ်ဟာသဒရာမာ  အမျိုးအစားဖြစ်ပါတယ်။ သရုပ်ဆောင်တွေအနေနဲ့ မင်းသမီး Azira Shafinaz, မင်းသား Iedil Dzuhrie Alaudin နဲ့ Fadlan Hazim တို့က အဓိကပါဝင် သရုပ်ဆောင်ထားကြပြီး အခြားသရုပ်ဆောင်များစွာက ပါဝင်အားဖြည့်ထားကြပါတယ်။

ရည်မှန်းချက်ကြီးတဲ့ music producer တစ်ယောက်ဖြစ်သူ Deanna ဟာ သူမရဲ့မင်္ဂလာပွဲကို ပြီးပြည့်စုံတဲ့ မင်္ဂလာပွဲစီစဉ်သူ၊ ဧည့်ခံကျွေးမွေးသူ၊ အစားအသောက်နဲ့ မင်္ဂလာဆောင်တီးဝိုင်းတွေအထိ ပါဝင်တဲ့ ပြီးပြည့်စုံတဲ့ မင်္ဂလာပွဲမျိုး ဖြစ်စေချင်ခဲ့တာဖြစ်ပါတယ်။ အခြေအနေတွေက ထင်မှတ်မထားစွာဘဲ Deanna အတွက် အဆိုးရွားဆုံးအခြေအနေနဲ့ ရင်ဆိုင်ဖို့ဖြစ်လာရကာ ဒါကတော့ သူမနဲ့စေ့စပ်ထားသူက စေ့စပ်ကြောင်းလမ်းခြင်းကို ဖျက်သိမ်းလိုက်ခြင်းပဲ ဖြစ်ပါတယ်။

ဒါပေမဲ့ Deanna တစ်ယောက် ဇွဲမလျှော့ဘဲ သူမရဲ့သတို့သားလောင်းကိုရှာဖွေကာ ဒီလက်ထပ်ပွဲကို ပြုလုပ်သွားဖို့ ဆုံးဖြတ်လိုက်တာပါ။ သူမရဲ့စိတ်ကူးထဲက မင်္ဂလာပွဲအတွက် ပြီးပြည့်စုံတဲ့သတို့သားလောင်း ရွေးချယ်ရာတွင် သူမရဲ့မင်္ဂလာပွဲစီစဉ်သူ Kai နဲ့ ဂီတပညာရှင်ဖြစ်ချင်တဲ့ သူမရဲ့ဝန်ထမ်း Mat တို့နဲ့အတူ အချစ်ဟာသဇာတ်လမ်းလေးကို စတင်ဖို့ဖြစ်လာခဲ့ပါတယ်။ ပေါ့ပေါ့ပါးပါးနဲ့ ဟာသဆန်ဆန်ကြည့်ရမဲ့ ‘သတို့သားလောင်းရှာပုံတော်’ မလေးရှားစီးရီးကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

Yin ဟာ မြင်မြင်ချင်းချစ်မိတဲ့ ချစ်ခြင်းမျိုးကို စိတ်ကူးယဉ်နေခဲ့တဲ့ အောင်မြင်တဲ့စီးပွားရေးသမားတစ်ဦး ဖြစ်ပါတယ်။ သူမရဲ့ ပြဿနာဖန်တီးတတ်တဲ့ မောင်လေး Yang ဟာ သူမအတွက် blind date တွေကို ပုံမှန်စီစဉ်ပေးခဲ့ပေမဲ့ သူမဟာ တက္ကသိုလ်အလုပ်သင်တစ်ဦးဖြစ်တဲ့ Chen ဆိုသူနဲ့ ဆက်ဆံရေးတွင် ယစ်မူးစပြုလာခဲ့ပါတယ်။ အဲဒီနောက်မှာတော့ သူမဟာ ပွင့်လင်းဖော်ရွေတဲ့ စီးပွားရေးသမား Ray နဲ့ ထပ်မံဆုံတွေ့ခဲ့ပါတယ်။

နောက်ပိုင်းတွင် Yin နဲ့ Chen တို့ဟာ သူတို့ရဲ့ခံစားချက်တွေကို နားလည်နိုင်ဖို့ သုံးလအစမ်းကာလအဖြစ် ဒီဆက်ဆံရေးကို ရှေ့ဆက်ကြည့်ကြဖို့ သဘောတူခဲ့ကြပါတယ်။ Yin တစ်ယောက် ဒီသုံးလကာလအတွင်းမှာ သူမတကယ်သဘောကျတဲ့သူကို ရှာဖွေနိုင်ဖို့အတွက် သူမကိုယ်သူမနားလည်လာအောင် ကြိုးစားရမှာ ဖြစ်ပါတယ်။ သူမတကယ်စိတ်ဝင်စားနေတဲ့သူက ဘယ်သူလဲ၊ နောက်ဆုံးမှာ သူမရွေးချယ်မဲ့သူကရော ဘယ်သူဖြစ်မလဲဆိုတာကို ကြည့်ရှုရမှာ ဖြစ်ပါတယ်။

စီးပွားရေး၊ အချစ်ဒရာမာဇာတ်လမ်းတွဲလေး ‘အချစ်စစ်ရှာပုံတော်’ ကို ဒါရိုက်တာ Khets Thunthup နဲ့ Petch Varayu Rukskul တို့က ပုံဖော်ရိုက်ကူးထားတာဖြစ်ပြီး Taksaorn Paksukcharoen, Chanon Santinatornkul, Saharat Sangkapricha, Pirapat Watthanasetsiri, Emma Panisara Yang တို့က အဓိကပါဝင် သရုပ်ဆောင်ထားကြပါတယ်။ ‘အချစ်စစ်ရှာပုံတော်’ ထိုင်းဒရာမာဇာတ်လမ်းတွဲလေးကို https://www.viu.com/ott/mm/mya တွင် မြန်မာစာတန်းထိုးဖြင့် ကြည့်ရှုနိုင်ပါတယ်။

‘ဆူးများကြားက လိပ်ပြာငယ်’ ထိုင်းအချစ်ဒရာမာ ဇာတ်လမ်းတွဲကို ဒါရိုက်တာ Oh Kritsada Techanilobon က ရိုက်ကူးပုံဖော်ထားပြီး သရုပ်ဆောင်တွေအနေနဲ့ မင်းသမီး Anyarin Terathananpat, Suwatjanee Chaimusik နဲ့ မင်းသား Sittha Sapanuchart တို့က အဓိကပါဝင်ထားကြပြီး အခြားသရုပ်ဆောင်များစွာက ပါဝင်အားဖြည့်ထားကြပါတယ်။

ဒီဇာတ်လမ်းတွဲဟာ ဟိုးနှစ်ပေါင်းများစွာကတည်းက ဖြစ်လေ့ဖြစ်ထရှိခဲ့တဲ့ ယောက္ခမနဲ့ ချွေးမကြားက လိုအပ်နေတဲ့ နားလည်မှုပြဿနာလေးတွေကို မြင်သာအောင် ပြသထားခဲ့တာ ဖြစ်ပါတယ်။ ဇာတ်လမ်းပုံစံက အသစ်စက်စက် ဇနီးမောင်နှံတွေအတွက် ရိုးရာသတ်မှတ်ချက်တွေကြားမှာ ပြဿနာလေးတွေ ဖြစ်ပေါ်လာခဲ့ပါတယ်။

ချွေးမနဲ့ ယောက္ခမကြားက ရှုပ်ထွေးမှုတွေကို တွေ့မြင်ရမှာဖြစ်ပြီး အိမ်ထောင်တစ်ခုမပြုခင်မှာ ထည့်သွင်းစဉ်းစားဖို့လိုအပ်တဲ့ မိသားစုပြဿနာတွေကို တွေ့မြင်ရမှာပဲ ဖြစ်ပါတယ်။ ဒါ့အပြင် အထူးသဖြင့် ချွေးမတွေအပေါ် မျှော်လင့်ချက်မြင့်မားတတ်ကြတဲ့ တရုတ်ရိုးရာမိသားစုဝင်ဖြစ်လာခဲ့ရတဲ့ ဒီအမျိုးသမီးလေးဟာ ဘယ်လိုမျိုးဖိအားတွေ၊ ပြဿနာတွေနဲ့ ရင်ဆိုင်လာရလဲဆိုတာကို ကြည့်ရှုရမဲ့ အချစ်ဒရာမာကောင်းလေးပဲ ဖြစ်ပါတယ်။ ‘ဆူးများကြားက လိပ်ပြာငယ်’ ဒရာမာဇာတ်လမ်းတွဲကို မြန်မာစာတန်းထိုးဖြင့် https://www.viu.com/ott/mm/mya တွင် ကြည့်ရှုနိုင်ပါတယ်။

2018 ခုနှစ်က ထွက်ရှိခဲ့တဲ့ မြန်မာရုပ်သံစီးရီး ‘ပန်းနှစ်ပွင့်စီးချင်း’ ကို ဒါရိုက်တာ မင်းခိုက်စိုးစံက ရိုက်ကူးပုံဖော်ထားပြီး ဇာတ်ညွှန်း ထက်မြတ်နိုင်ဇင်က ရေးသားထားတာဖြစ်ကာ အောင်ပြည့်ရုပ်ရှင်ထုတ်လုပ်ရေးက ထုတ်လုပ်ထားတာ ဖြစ်ပါတယ်။

သရုပ်ဆောင်တွေအနေနဲ့ ပိုင်ဖြိုးသု၊ မေဘရဏီသော်၊ စိုးရန်အောင်၊ ထက်ကိုကိုလင်း၊ မာကို၊ ရန်ကျော်၊ ထူး၊ ထူးမွန်၊ သန်းသန်းစိုးတို့က ပါဝင်သရုပ်ဆောင်ထားပြီး ဧည့်သည်သရုပ်ဆောင်တွေအနေနဲ့ ဇွဲပြည့်၊ ခင်သဇင်နဲ့ သရုပ်ဆောင်များစွာက ပါဝင်ထားကြပါတယ်။

ဒီဇာတ်လမ်းတွဲဟာ ဥပဒေဘက်တော်သား ရှေ့နေမလေးနှစ်ဦးရဲ့ သူတို့ရဲ့အမှုတွေအပေါ် အကောင်းဆုံးကိုင်တွယ်ဖြေရှင်းဖို့ ကြိုးစားကြပုံကို ကြည့်ရှုရမှာပဲ ဖြစ်ပါတယ်။ မကောင်းမှုဆိုတာ ဆိတ်ကွယ်ရာမရှိဘဲ အမှန်တရားက ပေါ်ပေါက်လာစမြဲဆိုတာကို မြင်တွေ့ရမဲ့ ဇာတ်လမ်းတွဲကောင်း တစ်ခုပဲဖြစ်ပါတယ်။ ‘ပန်းနှစ်ပွင့်စီးချင်း’ မြန်မာရုပ်သံစီးရီးကို https://www.viu.com/ott/mm/mya တွင် ကြည့်ရှုခံစားနိုင်ပါတယ်။

ဇာတ်လမ်း၊ ဇာတ်ညွှန်း ဒါရိုက်တာ ပြည့်ဇော်ဖြိုးရိုက်ကူးပုံဖော်ထားတဲ့ ‘မဟူရာရုပ်ရှင်ရုံ’ ရုပ်ရှင်ဇာတ်ကားကြီးတွင် သရုပ်ဆောင်တွေအနေနဲ့ နေတိုး၊ ကျော်ကျော်ဗိုလ်၊ မင်းသွေး၊ နန်းဆုဦး၊ Riya Ray နဲ့ သရုပ်ဆောင်များစွာက ပါဝင်ထားကြတာ ဖြစ်ပါတယ်။

2019 ခုနှစ်က ရုံတင်ပြသခဲ့တဲ့ ဒီဇာတ်ကားဟာ သည်းထိတ်ရင်ဖိုဇာတ်ကားတစ်ကားဖြစ်ပါတယ်။ ဇာတ်လမ်းပုံစံက ရုပ်ရှင်ရိုက်ကူးရေးအတွက် ရုပ်ရှင်ရုံဟောင်းကြီးတစ်ခုကို လူငယ်တစ်စုရောက်ရှိလာခဲ့ကြတာပါ။ အပြင်ကကြည့်လိုက်ရုံနဲ့ ကျောချမ်းစရာကောင်းလှတဲ့ ဒီစွန့်ပစ်ခံထားရတဲ့ ရုပ်ရှင်ရုံဟောင်းကြီးထဲမှာ သူတို့မသိသေးတဲ့ ကြောက်မက်ဖွယ်အရာတွေက စောင့်ကြိုနေတယ်ဆိုတာကိုတော့ ဒီလူငယ်တွေ လုံးဝမသိခဲ့ကြပါဘူး။

အစပိုင်းမှာတော့ အဆင်ပြေနေသလိုရှိနေပေမဲ့ တဖြည်းဖြည်းနဲ့ အခြေအနေတွေက သင်္ကာမကင်းစရာဖြစ်လာရာကနေ ဆိုးဆိုးရွားရွား သူတို့ကိုထိခိုက်အောင်ပြုလုပ်တဲ့အထိ ဖြစ်လာခဲ့ကြပါတယ်။ တကယ်တမ်း ဒီရုပ်ရှင်ရုံကြီးထဲမှာ ဘာတွေဖြစ်ပျက်ခဲ့တာလဲ၊ ဒီအထဲမှာရှိနေတဲ့အရာတွေကရော ဘာတွေလဲ၊ သူတို့ကရော ဒီရုပ်ရှင်ရုံကြီးထဲကနေ ပြန်လည်လွတ်မြောက်နိုင်ပါတော့မလားဆိုတာကို ရင်တထိတ်ထိတ်နဲ့ကြည့်ရှုရမဲ့ ဇာတ်ကားကောင်းတစ်ကားပဲ ဖြစ်ပါတယ်။ ‘မဟူရာရုပ်ရှင်ရုံ’ မြန်မာရုပ်ရှင်ဇာတ်ကားကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

‘နတ်ဘုရားရဲ့ချစ်ရာသီ’ ဟာ စိတ်ကူးယဉ်၊ အချစ်ဟာသဒရာမာ အမျိုးအစားဖြစ်ပြီး ဇာတ်ညွှန်းကိုတော့ Heo Joon Woo နဲ့  Kang Yi Hun တို့ကရေးသားကာ ဒါရိုက်တာ Baek Soo Chan နဲ့ Kim Ji Hoon တို့က ရိုက်ကူးပုံဖော်ထားတာ ဖြစ်ပါတယ်။ ဇာတ်လမ်းတွဲတွင် Kim Jung Hyun, Im Soo Hyang, Kim Da Som, Ahn Woo Yeon, Cha Chung Hwa, Kim In Kwon နဲ့ အခြားသရုပ်ဆောင်များစွာက ပါဝင်ထားကြပါတယ်။

တစ်ချိန်က သေနိုင်တဲ့ သာမန်လူသားတစ်ယောက်ဖြစ်ခဲ့ဖူးတဲ့ Kkok Du ဟာ အခုအခါမှာတော့ လူတွေရဲ့အားနည်းချက်တွေကို ဒဏ်ခတ်ရန်အတွက် 99 နှစ်တိုင်း လူသားကမ္ဘာကြီးသို့ လာရောက်တတ်တဲ့ နတ်ဘုရားတစ်ပါးဖြစ်နေခဲ့ပါတယ်။ သူ့ရဲ့နှစ်ထောင်ပေါင်းများစွာကြာ တည်ရှိမှုဟာ သူ့ကိုပိုခက်ထန်လာစေပြီး လူသားတွေကို အထင်အမြင်သေးသူဖြစ်လာခဲ့ပါတယ်။

သူ့ရဲ့နောက်ဆုံးခရီးစဉ်တွင် Kkok Du ဟာ Do Jin Woo အမည်ရှိ ပါရမီရှင်ဆရာဝန်ငယ်တစ်ဦးရဲ့ ခန္ဓာကိုယ်ထဲတွင် နေထိုင်နေပြီး ဆေးဘက်ဆိုင်ရာတာဝန်တွေကို ထမ်းဆောင်ရတဲ့အခါမှာတော့ သူ့ရဲ့တာဝန်တွေက ပိုရှုပ်ထွေးလာခဲ့ပါတယ်။ မမျှော်လင့်ထားတဲ့ အလှည့်အပြောင်းတစ်ခုတွင် Kkok Du ဟာ သူ့ရဲ့စိတ်ဝင်စားမှုတွေကို သိမ်းပိုက်ထားနိုင်တဲ့ လူသိနည်းတဲ့ကျောင်းမှ ဆရာဝန်မလေး Han Gye Jeol နဲ့ တွေ့ဆုံခဲ့ပါတယ်။ ဘာကြောင့် ဒီဆရာဝန်မလေးရဲ့အပေါ်မှာ သူ စိတ်ဝင်စားမှုတွေ ဖြစ်ပေါ်လာခဲ့ရတာလဲ၊ သူတို့ရဲ့ကံကြမ္မာတွေက အတိတ်မှာဆက်နွယ်မှုရှိခဲ့တာလား။ ‘နတ်ဘုရားရဲ့ချစ်ရာသီ’ စိတ်ကူးယဉ်အချစ်ဒရာမာ ဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

Jung Ki Hoon ဟာ ရှေးဟောင်းသုတေသန ပညာရှင်တစ်ဦးအနေနဲ့ သဘာဝလွန်ဖြစ်ရပ်တွေကို ရှာဖွေလေ့လာခဲ့သူဖြစ်ပြီး ထင်မှတ်မထားတဲ့ ကိစ္စရပ်တစ်ခုကြောင့် သူ့ဘဝဟာ လုံးဝကို ပြောင်းလဲသွားခဲ့ရပါတယ်။ အခုအခါမှာတော့ သူဟာ Monthly Strange Story ဆိုတဲ့ လျှို့ဝှက်ဆန်းကြယ် မဂ္ဂဇင်းကိုထုတ်ဝေပြီး ယူကျုချန်နယ်တွင်လည်း ထူးဆန်းထွေလာပုံပြင်တွေ မျှဝေခြင်းကို လုပ်ဆောင်နေပါတယ်။ သူ့ရဲ့ဇနီးဟောင်း Lee Soo Jin ကြောင့် သူဟာ နတ်ဆိုးဝင်နေတဲ့ ဗုဒ္ဓရုပ်ပွားတော်ရှိရာ တရုတ်နိုင်ငံ Jinyang သို့ သုတေသနပြုလုပ်ရန် သွားရောက်ခဲ့ပါတယ်။ အဲဒီကိုရောက်သွားတဲ့အခါမှာတော့ သူဟာ မယုံနိုင်လောက်အောင် ကြောက်စရာကောင်းတဲ့ ဖြစ်စဉ်တစ်ခုနဲ့ ရင်ဆိုင်ခဲ့ရတာပါ။  

Lee Soo Jin ကတော့ စကားလုံးတွေနဲ့ သင်္ကေတတွေကို ဖော်ထုတ်တဲ့ သုတေသနပညာရှင်တစ်ဦးဖြစ်ကာ သူမရဲ့အလုပ်တွင် ထူးချွန်သူတစ်ယောက် ဖြစ်ပါတယ်။ သူမရဲ့တစ်ဦးတည်းသောသားလေး သေဆုံးသွားပြီးနောက်မှာတော့ Soo Jin ဟာ Jinyang သို့ သွားရောက်ခဲ့ပြီး လျှို့ဝှက်ဆန်းကြယ်တဲ့ ဖြစ်စဉ်တွေကို တွေ့ကြုံခဲ့ရကာ အဖြေကိုရှာဖွေကြည့်ဖို့ ဖြစ်လာခဲ့ပါတယ်။ တစ်ချိန်တည်းမှာပဲ ရဲအကြီးအကဲ Han Seok Hee, သူမရဲ့သား Han Do Kyung, အုပ်ချုပ်ရေးမှူး Kwon Jong Soo နဲ့ ပြည်နယ်အုပ်ချုပ်ရေးမှူး Kwak Yong Joo တို့အပါအဝင် Jinyang ရှိလူတွေဟာ မယုံနိုင်လောက်စရာ ထူးဆန်းတဲ့ဖြစ်ရပ်တွေနဲ့ ရင်ဆိုင်နေကြရတာ ဖြစ်ပါတယ်။

လျှို့ဝှက်ဆန်းကြယ်၊ သည်းထိတ်ရင်ဖို၊ သဘာဝလွန်ဇာတ်လမ်းတွဲ ‘စိတ်နယ်လွန်ကမ္ဘာ’ ကို Yeon Sang Ho နဲ့ Ryu Yong Jae တို့က ဇာတ်ညွှန်းရေးသားပြီး ဒါရိုက်တာ Jang Kun Jae က ရိုက်ကူးပုံဖော်ထားကာ Koo Kyo Hwan, Shin Hyun Been, Kim Ji Young, Nam Da Reum, Kwak Dong Yeon, Park Ho San နဲ့ အခြားသရုပ်ဆောင်များစွာက ပါဝင်အားဖြည့်ထားကြပါတယ်။ ‘စိတ်နယ်လွန်ကမ္ဘာ’ ကိုရီးယားဒရာမာစီးရီးကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

လျှို့ဝှက်ဆန်းကြယ် သဘာဝလွန် အချစ်ဟာသဇာတ်လမ်းလေး ‘ချစ်သူလူစွမ်းကောင်း ၂’ ကို Wang Xiong Cheng က ဇာတ်ညွှန်းရေးသားထားပြီး ဒါရိုက်တာ Ding Zi Guang က ရိုက်ကူးပုံဖော်ထားတာ ဖြစ်ပါတယ်။ ဇာတ်လမ်းတွဲတွင် မင်းသမီး Yu Shu Xin, Dai Li Fang, မင်းသား Mike Angelo, Le Ge Yang, Liang Chao နဲ့ သရုပ်ဆောင်များစွာက ပါဝင်ထားကြတာပါ။

‘ချစ်သူလူစွမ်းကောင်း’ ပထမ season တွင်ပါဝင်ခဲ့တဲ့ Tian Jing Zhi နဲ့ mutant Xue Ling Qiao တို့ဟာ ကားမတော်တဆမှုအပြီးတွင် ချစ်ကြိုက်သွားခဲ့ကြပေမဲ့ သူမရဲ့ဘေးကင်းလုံခြုံရေးအတွက် Xue Ling Qiao ဟာ အဝေးကိုထွက်ခွာသွားခဲ့တာပါ။ နောက်ဆက်တွဲမှာတော့ Tian Jing Zhi ဟာ သူထွက်ခွာသွားပြီးနောက်တွင် သူမမှာကိုယ်ဝန်ရှိနေပြီဆိုတာကို သိရှိခဲ့ပြီး Xue Ling Qiao က သူမတို့ကိုကာကွယ်ဖို့ ဘေးအိမ်သို့ တိတ်တဆိတ်ပြောင်းရွှေ့လာခဲ့ပါတယ်။

Tian Jing Zhi က သူမကိုသဘောကျနေတဲ့ နောက်ထပ် mutant ဖြစ်တဲ့ Yun Zhen နဲ့လည်း ထပ်မံမိတ်ဆွေဖွဲ့ခဲ့တာပါ။ အဲဒီအချိန်မှာ Qiu Yue Bai ဦးဆောင်တဲ့ S Organization ကနေ Tian Jing Zhi ရဲ့ ကိုယ်ဝန်ကိုအသုံးချရန် ကြိုးပမ်းခဲ့ပါတယ်။ Mutant တွေပါဝင်ပတ်သက်နေတဲ့ လျှို့ဝှက်ဆန်းကြယ်တဲ့ လူသတ်မှုဖြစ်ရပ်က ပိုပြီးစိတ်ဝင်စားစရာ ကောင်းလာခဲ့ပါတယ်။ ‘ချစ်သူလူစွမ်းကောင်း ၂’ သဘာဝလွန် တရုတ်ဒရာမာစီးရီးကို မြန်မာစာတန်းထိုးဖြင့် https://www.viu.com/ott/mm/mya တွင် ကြည့်ရှုလိုက်ပါ။

မပြိုကွဲနိုင်တဲ့ သံယောဇဉ်တွေနဲ့ တည်ဆောက်ထားခဲ့ကြတဲ့ သာယာပျော်ရွှင်တဲ့ ဇနီးမောင်နှံဟာ သူတို့ရဲ့ဘဝနောက်ဆုံးအချိန်တွေအထိ တစ်ယောက်ကိုတစ်ယောက် ချစ်မြတ်နိုးသွားကြမယ်လို့ ကတိပြုထားခဲ့ကြတာဖြစ်ကာ ကတိကိုဖောက်ဖျက်တဲ့သူဟာ သေဆုံးခြင်းပြစ်ဒဏ် ပေးခံရမှာဖြစ်ပါတယ်။ ဒီလောက်ချစ်ကြတဲ့သူနှစ်ဦးရဲ့ ကတိစကားတွေက တစ်နေ့မှာပျက်ပြယ်သွားလိမ့်မယ်လို့ ဘယ်သူကထင်မှာလဲ။

ဒါပေမဲ့ ဘဝဆိုတာ မသေချာမရေရာမှုတွေနဲ့ ပြည့်နှက်နေတာဖြစ်ပြီး အထူးသဖြင့် ‘အချစ်’ ဆိုတဲ့အရာကြီးက ပိုပြီးတော့တောင် ကြောက်စရာကောင်းနေတတ်ပါတယ်။ ကတိသစ္စာတွေပျက်ယွင်းလာတဲ့အခါ ဘယ်လောက်ပဲခိုင်မြဲပါတယ်ဆိုတဲ့ သံယောဇဉ်တွေဟာလည်း အလွယ်တကူပဲ ပျက်စီးသွားတတ်တာပါ။

‘ပျက်ယွင်းသွားသော ကတိသစ္စာ’ ထိုင်းအချစ်ဒရာမာ ဇာတ်လမ်းတွဲကို ဇာတ်ညွှန်း Apiwat Laosakul က ရေးသားထားပြီး ဒါရိုက်တာ K Chainarong Tampong က ရိုက်ကူးပုံဖော်ထားကာ သရုပ်ဆောင်တွေအနေနဲ့ Vill Wannarot Sonthichai, Prama Imanothai, Rhatha Phongam နဲ့ Kidakarn Chatkaewmanee တို့က အဓိကပါဝင်ထားကြတာ ဖြစ်ပါတယ်။ ‘ပျက်ယွင်းသွားသော ကတိသစ္စာ’ ဒရာမာဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။