Home

Gu Seo Jin ဟာ Wonder Land ကစားကွင်းကိုဖွင့်လှစ်ထားတဲ့ တတိယမျိုးဆက် chaebol ဖြစ်ပါတယ်။ သူဟာ ရုပ်ရည်သွင်ပြင်ရော၊ ဉာဏ်ရည်ဉာဏ်သွေး၊ ကံကောင်းခြင်းစတဲ့ အရာအားလုံးရှိနေပုံရတဲ့ သူတစ်ယောက်ပဲဖြစ်ပါတယ်။ ဒါပေမဲ့ သူ့ရဲ့ကလေးဘဝက ထိတ်လန့်စရာကောင်းတဲ့ အဖြစ်အပျက်တစ်ခုကြောင့် Seo Jin ဟာ ကွဲပြားတဲ့စရိုက်နှစ်မျိုးကို ပိုင်ဆိုင်ထားတာဖြစ်ပြီး သူ့ရဲ့စရိုက်တစ်မျိုးက အေးစက်ပြီးရက်စက်သူဖြစ်ကာ နောက်တစ်ယောက်ကတော့ အဲဒီစရိုက်နဲ့လုံးဝကို ဆန့်ကျင်ဘက်ဖြစ်ကာ ကြင်နာပြီးနူးညံ့သိမ်မွေ့သူဖြစ်ပါတယ်။ ဒါကြောင့် သူဟာ တစ်စုံတစ်ယောက်နဲ့ဘယ်တော့မှ ချိန်းတွေ့ခြင်းမလုပ်ဘူးလို့ သူ့ကိုယ်သူဆုံးဖြတ်ထားခဲ့တာ ဖြစ်ပါတယ်။

Seo Jin ဟာ လက်မှတ်အရောင်းနည်းပါးပြီး ကုန်ကျစရိတ်မြင့်မားလာမှုကြောင့် Wonder Land ရဲ့ ဆပ်ကပ်ဖျော်ဖြေပွဲကို ဖယ်ရှားလိုပေမဲ့ ဆပ်ကပ်ပညာရှင် Jang Ha Na က ပြင်းထန်စွာကန့်ကွက်ခဲ့ပါတယ်။ Ha Na က ဆပ်ကပ်အဖွဲ့ကိုကယ်တင်ပြီး အရင်ကဂုဏ်သတင်းကို ပြန်လည်မြှင့်တင်ဖို့ သူမရဲ့အိပ်မက်တွေကို အကောင်အထည်ဖော်ဖို့ကြိုးစားခဲ့ပါတယ်။ ဒီလိုအခြေအနေတွေကြားထဲမှာ ထင်မှတ်မထားဘဲ စရိုက်နှစ်မျိုးရှိတဲ့ Seo Jin ကို ချစ်မိသွားခဲ့တာ ဖြစ်ပါတယ်။

‘ပုံစံနှစ်မျိုးနဲ့ချစ်သူ’ စိတ်ပိုင်းဆိုင်ရာ အချစ်ဟာသဒရာမာ ဇာတ်လမ်းတွဲကို ဇာတ်ညွှန်း Kim Ji Woon ရေးသားထားပြီး ဒါရိုက်တာ Jo Young Kwang နဲ့ Park Shin Woo တို့က ရိုက်ကူးပုံဖော်ထားကာ Hyun Bin, Han Ji Min, Sung Joon, Lee Hye Ri, Lee Seung Joon, Han Sang Jin နဲ့ သရုပ်ဆောင်များစွာက ပါဝင်ထားကြပါတယ်။ ‘ပုံစံနှစ်မျိုးနဲ့ချစ်သူ’ ဒရာမာဇာတ်လမ်းတွဲကို https://www.viu.com/ott/mm/mya တွင် ကြည့်ရှုခံစားနိုင်ပါတယ်။

Ahn Dae Sung ဆီမှာ အရမ်းကိုကောင်းမွန်တဲ့ မှတ်ဉာဏ်စွမ်းရည်တွေရှိနေပေမဲ့လို့ သူဟာ အစိုးရဝန်ထမ်းစာမေးပွဲကို မအောင်မြင်သေးတဲ့သူတစ်ယောက်ဖြစ်ပါတယ်။ အစိုးရဝန်ထမ်းတစ်ဦးဖြစ်လာဖို့ လေ့လာနေဆဲဖြစ်တဲ့ Dae Sung ဟာ စာမေးပွဲကို သုံးကြိမ်ဆက်တိုက်ဖြေဆိုခဲ့ပေမဲ့ အကြိမ်တိုင်းမှာ ကျရှုံးခဲ့တာ ဖြစ်ပါတယ်။ ဒါတောင် သူက ဆုံးဖြတ်ချက် ခိုင်မာနေဆဲဖြစ်ပြီး သူ့အမေ Myung Sook နဲ့ သူ့ရဲ့ချစ်သူကောင်မလေး Ah Hee တို့ရဲ့ ပံ့ပိုးကူညီမှုနဲ့အတူ Dae Sung က သူဟာ ဒီစာမေးပွဲကို နောက်တစ်ကြိမ်ကျရှုံးမှာမဟုတ်ဘူးလို့ ယုံကြည်နေခဲ့ပါတယ်။

ဆိုးလ်မြို့စွန်က သူ့အမေပိုင်ဆိုင်တဲ့ ကုန်စုံဆိုင်လေးမှာ အချိန်ပိုင်းအလုပ်လုပ်ရင်း အနီးအနားကတိုက်ခန်းတစ်ခုတွင် လူသတ်မှုဖြစ်ပွားခဲ့ချိန်မှာတော့ Dae Sung ရဲ့ဘဝတွင် မျှော်လင့်မထားတဲ့ အလှည့်အပြောင်းတွေ ဖြစ်လာခဲ့ပါတယ်။ ရဲအရာရှိတစ်ဦးဖြစ်တဲ့ Ah Hee က ဒီအမှုကိုဖြေရှင်းရန် သူမတွင်တာဝန်ရှိသည်ဟု ခံစားရတာကြောင့် လူသတ်မှုနဲ့ပတ်သက်ပြီး သူမကိုယ်တိုင် စုံစမ်းစစ်ဆေးမှုကို စတင်ခဲ့ပါတယ်။ သူမဟာ တရားဝင်စုံထောက်တစ်ဦးမဟုတ်ပေမဲ့ မကြာခင်မှာပဲ အံ့အားသင့်ဖွယ်အရာကိုတွေ့ရှိခဲ့ပါတယ်။

အခင်းဖြစ်ပွားရာနေရာတွင် Myung Sook တို့စတိုးဆိုင်မှ ပြေစာတစ်စောင်ကိုတွေ့ရှိခဲ့ပြီး Ah Hee ဟာ Dae Sung နဲ့ Myung Sook တို့ကို အမှုထဲကိုဆွဲခေါ်မိခဲ့တာပါ။ နောက်ထပ်သဲလွန်စတွေမရှိပေမဲ့ ပြေစာတစ်စောင်တည်းနဲ့ Ah Hee, Dae Sung နဲ့ Myung Sook တို့ ဒီအမှုကိုဆက်လက်စုံစမ်းဖော်ထုတ်ဖို့ ဆုံးဖြတ်လိုက်ကြပါတယ်။ ဒါပေမဲ့ တခြားသဲလွန်စတွေမရှိဘဲ ဒီလူသစ်အဖွဲ့က လူသတ်သမားကို ဘယ်လိုဖမ်းကြမလဲ။

‘လူသတ်သမားရဲ့ ပြေစာ’ လျှို့ဝှက်ဆန်းကြယ် သည်းထိတ်ရင်ဖို ဟာသဒရာမာဇာတ်လမ်းတွဲတွင် Lee Kwang Soo, Kim Seol Hyun, နဲ့ Jin Hee Kyung တို့က အဓိကပါဝင်ထားကြပြီး အခြားသရုပ်ဆောင်များစွာက  ပါဝင်အားဖြည့်ထားကာ ဒါရိုက်တာ Lee Eon Hee က ရိုက်ကူးပုံဖော်ထားတာ ဖြစ်ပါတယ်။ ‘လူသတ်သမားရဲ့ ပြေစာ’ ဒရာမာဇာတ်လမ်းတွဲလေးကို https://www.viu.com/ott/mm/mya တွင် မြန်မာစာတန်းထိုးဖြင့် ကြည့်ရှုနိုင်ပါတယ်။

‘ချစ်ဇနီးရဲ့ခွန်အား’ အချစ်ဟာသဒရာမာ ဇာတ်လမ်းတွဲဟာ Li Ke ရဲ့ ဝတ္ထုကို အခြေခံထားတာဖြစ်ပြီး ဒါရိုက်တာ Liu Jun Jie က ပုံဖော်ရိုက်ကူးထားတာ ဖြစ်ပါတယ်။ သရုပ်ဆောင်တွေအနေနဲ့ မင်းသမီး Qi Wei, Li Ru Ge, မင်းသား David Wang, Yan Feng, Hong Lian Cheng, Wang Ji Zun နဲ့ အခြားသရုပ်ဆောင်များစွာက ပါဝင်ထားကြတာ ဖြစ်ပါတယ်။

ဇာတ်လမ်းပုံစံက Du Lala ရဲ့ဘဝတွင် အရာအားလုံးက အဆင်ပြေကောင်းမွန်နေခဲ့ပြီး အသက်သုံးဆယ်ကို ရောက်လာခဲ့တဲ့သူမအတွက်တော့ ငယ်ရွယ်နုပျိုမှုနဲ့ပတ်သက်ပြီး မလုံခြုံမှုခံစားရခြင်းမျိုးကို မခံစားမိခဲ့ပါဘူး။ သူမဟာ Wang Wei နဲ့ ပျော်ရွှင်စွာအိမ်ထောင်ကျပြီး အလုပ်တွင်လည်း HR Manager ရာထူးကနေ HR Director အဖြစ် ရာထူးတိုးခံရတော့မှာ ဖြစ်ပါတယ်။ ဒါပေမဲ့ Lala ထက်ပိုတက်ကြွပြီး ပရော်ဖက်ရှင်နယ်ကြယ်ပွင့် အသက် 20 အရွယ် ချောမောလှပတဲ့ Kathy ဆိုတဲ့ ဝန်ထမ်းသစ်လေးပေါ်လာချိန်မှာတော့ Lala ရဲ့သာယာတဲ့ဘဝလေးတွင် စိန်ခေါ်မှုတွေဖြစ်လာခဲ့ပါတယ်။

Kathy ဟာ Lala ရဲ့ ရာထူးတိုးခြင်းကို ခြိမ်းခြောက်နေရုံသာမက သူမဟာ Wei ရဲ့မိခင်ရဲ့ ချစ်လှစွာသောကျောင်းသားတစ်ဦး ဖြစ်နေခဲ့တာဖြစ်ပြီး Wei အပါအဝင် Wang မိသားစုတစ်ခုလုံးက သူမကိုချစ်ခင်သဘောကျနေကြတာ ဖြစ်ပါတယ်။ ပိုဆိုးတာက Kathy ဟာ Lala နဲ့ Wei တို့ရဲ့ အောက်ထပ်တိုက်ခန်းကို ပြောင်းလာခဲ့တာပဲ ဖြစ်ပါတယ်။ Lala တစ်ယောက် သူမရဲ့အလုပ်နဲ့ အိမ်ထောင်ရေးကို သူရဲကောင်းဆန်စွာ ကာကွယ်နိုင်ပါ့မလားဆိုတာကို ကြည့်ရှုရမဲ့ ဇာတ်လမ်းတွဲကောင်းလေး ဖြစ်ပါတယ်။ ‘ချစ်ဇနီးရဲ့ခွန်အား’ တရုတ်ဒရာမာဇာတ်လမ်းတွဲလေးကို https://www.viu.com/ott/mm/mya တွင် ကြည့်ရှုခံစားနိုင်ပါတယ်။

‘ငြိုးမျက်မပြေသော လိပ်ပြာ’ သဘာဝလွန် သည်းထိတ်ရင်ဖို အိန္ဒိယဒရာမာဇာတ်လမ်းတွဲကို Viplav Singh နဲ့ Mrinal Jha တို့က ဇာတ်ညွှန်းရေးသားထားပြီး ဒါရိုက်တာ Adarsh Hegde, Diramar 1984, Huzaifa Ali, Kanorwala, Deepak S Garg နဲ့ Santram Varma တို့က ရိုက်ကူးပုံဖော်ထားတာ ဖြစ်ပါတယ်။ သရုပ်ဆောင်တွေအနေနဲ့ Mona Singh, Mamta Rana, Vivek Dahiya, Deepika Singh, Ashwini Kalsekar, Garima Jain, Sara Khan, Aditya Deshmukh နဲ့ သရုပ်ဆောင်များစွာက ပါဝင်ထားကြတာ ဖြစ်ပါတယ်။

‘ငြိုးမျက်မပြေသော လိပ်ပြာ’ ဇာတ်လမ်းတွဲဟာ အိမ်ထောင်သည်မိန်းကလေးရဲ့ ခန္ဓာကိုယ်ထဲတွင် ခင်ပွန်းကိုသေစေလိုတဲ့ ဝိညာဉ်တစ်ခုပူးကပ်ခံလိုက်ရပြီးနောက် သူတို့ရဲ့အိမ်ထောင်ရေးမှာ ဆိုးရွားမှုတွေကြုံတွေ့လာရတာ ဖြစ်ပါတယ်။ အဲဒီနောက်မှာတော့ ဇနီးသည်ဟာ ခင်ပွန်းဖြစ်သူကို ဒီသဘာဝလွန်အဖြစ်အပျက်တွေရဲ့ လက်ထဲကနေ ကယ်တင်ရန်လုပ်ဆောင်ပုံကို ကြည့်ရှုရမှာ ဖြစ်ပါတယ်။

ဇာတ်လမ်းပုံစံက သာယာပျော်ရွှင်နေတဲ့ Paridhi နဲ့ Rajbeer တို့ရဲ့အိမ်ထောင်ရေးတွင် ကြမ်းတမ်းတဲ့ဝိညာဉ်တစ်ခုနဲ့ ရင်ဆိုင်ဖို့ဖြစ်လာရပြီး ဒီဝိညာဉ်ဟာ ခင်ပွန်းသည် Rajbeer ကို စွဲလမ်းနေခဲ့တာဖြစ်ကာ ဇနီးသည် Paridhi ရဲ့ ခန္ဓာကိုယ်ထဲကို ဝင်ရောက်ခဲ့တာပါ။ ဒီအခြေအနေဆိုးကနေ လွတ်မြောက်ဖို့ Paridhi တစ်ယောက် ဘယ်လိုမျိုးလုပ်ဆောင်သွားမလဲဆိုတာကို သည်းထိတ်ရင်ဖိုစွာ ကြည့်ရှုရမှာပဲ ဖြစ်ပါတယ်။ ‘ငြိုးမျက်မပြေသော လိပ်ပြာ’ အိန္ဒိယဒရာမာဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

‘ပြည်သူ့သမားတော်လေး’ ဒရာမာဇာတ်လမ်းတွဲရဲ့ နောက်ထပ်ဇာတ်လမ်းအဆက်ဖြစ်တဲ့ ‘ပြည်သူ့သမားတော်လေး – အတွဲ ၂’ မှာတော့ နန်းတွင်းကနေ နှင်ထုတ်ခံလိုက်ရတဲ့ သမားတော် Yoo Se Poong ဟာ ထူးဆန်းပြီးလှပတဲ့ Gyesu ရွာလေးမှာ သူ့ကိုယ်သူရှာဖွေတွေ့ရှိခဲ့ပြီး သူ့ဘဝဟာပြောင်းလဲလာခဲ့ပါတယ်။ မိတ်ဆွေသစ်ရဲ့အကူအညီဖြင့် ဆေးသမားကောင်းတစ်ဦး၊ လူသားတစ်ဦးအဖြစ် ကြီးပြင်းလာခဲ့ပြီး လူနာတွေရဲ့ ခန္ဓာကိုယ်ကိုသာမက စိတ်နှလုံးကိုပါ ကုသပေးကာ စစ်မှန်တဲ့သမားတော်တစ်ယောက်ရဲ့ တာဝန်ကိုပြီးမြောက်ပြီလို့ ထင်ခဲ့ပေမဲ့ တကယ်တမ်းမှာတော့ သူ့အတွက် နောက်ထပ်စိန်ခေါ်မှုများစွာ ရှိနေပါသေးတယ်။

လူနာသစ်တွေနဲ့ စိန်ခေါ်မှုသစ်တွေအတွက် Se Poong ဟာ သူနဲ့ သူ့ပတ်ဝန်းကျင်ရှိလူတွေရဲ့ ပိုမိုကောင်းမွန်တဲ့ဘဝအတွက် လုပ်ဆောင်ရမဲ့အရာတွေ အများကြီးရှိနေပါသေးတယ်။ လူနာတွေကို ရုပ်ပိုင်းဆိုင်ရာရော၊ စိတ်ပိုင်းဆိုင်ရာအရပါ ကုသပေးနိုင်ရန် သူ့ရဲ့ရိုးရှင်းတဲ့နည်းလမ်းတွေကို အသုံးပြုပြီး Se Poong ရဲ့ စွန့်စားခန်းအသစ်တွေက သူ့ကို နှလုံးသားရော၊ စိတ်ကိုပါ ပိုမိုနက်ရှိုင်းစွာ နားလည်သဘောပေါက်လာစေနိုင်မလားဆိုတာကို ဆက်လက်ကြည့်ရှုရမှာ ဖြစ်ပါတယ်။

Lee Eun So ရဲ့ဝတ္ထုကိုအခြေခံထားတဲ့ ‘ပြည်သူ့သမားတော်လေး – အတွဲ ၂’ တွင် Kim Min Jae, Kim Hyang Gi, Kim Sang Kyung, Kang Young Seok, Woo Da Vi တို့က အဓိကပါဝင်သရုပ်ဆောင်ထားပြီး အခြားသရုပ်ဆောင်များစွာက အားဖြည့်ပေးထားကြတာ ဖြစ်ပါတယ်။ ‘ပြည်သူ့သမားတော်လေး – အတွဲ ၂’ ကို မြန်မာစာတန်းထိုးဖြင့် https://www.viu.com/ott/mm/mya တွင် ကြည့်ရှုခံစားနိုင်ပါတယ်။

မိသားစုဟောင်ကောင် ဒရာမာဇာတ်လမ်းတွဲ ‘ရတနာပြိုင်ပွဲ’ တွင် မင်းသမီး Gigi Leung, Catherine Chau, မင်းသား Poon Chan Leung နဲ့ Johnny Hui တို့က အဓိကပါဝင် သရုပ်ဆောင်ထားကြပြီး Shirley Chan, Ben Yuen နဲ့ အခြားသရုပ်ဆောင်များစွာက ပါဝင်ပံ့ပိုးပေးထားကြပါတယ်။

သင့်ကလေးတွေအတွက် အကောင်းဆုံးက ဘာဖြစ်မလဲ။ စိတ်ဖိစီးမှုကင်းဝေးတဲ့ ပတ်ဝန်းကျင် ဒါမှမဟုတ် တစ်သက်လုံး ပျော်ရွှင်စွာနေထိုင်နိုင်ဖို့လား။ ကောင်းမွန်စွာစီစဉ်ထားတဲ့ အစပြုခြင်း ဒါမှမဟုတ် ပြည့်ဝတဲ့ အရည်အချင်းစွမ်းရည်တစ်ခုလား။ ဘဝဟာ ပြိုင်ပွဲတစ်ခုဖြစ်ပြီး သူငယ်တန်းဟာ ဘဝရဲ့ပထမဆုံး စစ်မြေပြင်ဖြစ်ပါတယ်။

ခင်ပွန်းဖြစ်သူ Armand ရဲ့ ပံ့ပိုးကူညီမှုဖြင့် Nora ဟာ အလုပ်မှထွက်ခဲ့ပြီး သူငယ်တန်းဘဝနဲ့ ကောင်းစွာလိုက်လျောညီထွေ မဖြစ်နိုင်သေးတဲ့ သူတို့ရဲ့သမီးလေး Yoyo ကို ပြုစုစောင့်ရှောက်ရန် ကြိုးပမ်းခဲ့ပါတယ်။ ကျောင်းအုပ်ကြီး Kong မှ စိတ်ဖိစီးမှုကင်းစင်တဲ့ ပညာရေးမူဝါဒကို အကောင်အထည်ဖော်သည့် စနစ်သစ်သို့ပြောင်းလဲပြီးနောက် Yoyo က အရမ်းကို တိုးတက်ကောင်းမွန်လာခဲ့ပါတယ်။ တစ်ချိန်တည်းမှာပဲ Nora ဟာ Venus ရဲ့အကူအညီဖြင့် အကောင်းဆုံးမိခင်ဖြစ်ရန် ကြိုးစားခဲ့ပါတယ်။

ကောင်းမွန်တဲ့အချိန်တွေဟာ ကြာရှည်မခံခဲ့ဘဲ ချမ်းသာတဲ့မိဘ Charles မှ ဖွဲ့စည်းထားတဲ့ အခြားအင်အားစုကနေ ကျောင်းရဲ့ယှဉ်ပြိုင်စွမ်းကို တိုးတက်စေရန် ဖိအားပေးခဲ့ပါတယ်။ Nora က တူညီတဲ့ခံယူချက်တွေရှိတဲ့ မိဘတွေကိုစုစည်းပြီး သူတို့ရဲ့ကလေးတွေအတွက် ဖော်ရွေတဲ့သင်ယူမှုပတ်ဝန်းကျင်ကို ပြတ်ပြတ်သားသားထိန်းသိမ်းရန်ရည်ရွယ်ပြီး “Anti-cramming Alliance” ကို ဖွဲ့စည်းခဲ့ပါတယ်။ ‘ရတနာပြိုင်ပွဲ’ မိသားစုဒရာမာဇာတ်လမ်းတွဲကို https://www.viu.com/ott/mm/mya တွင် ဝင်ရောက်ကြည့်ရှုလိုက်ပါ။

‘အတုအစစ်’ ထိုင်းအချစ်ဟာသအက်ရှင် ဒရာမာဇာတ်လမ်းတွဲကို ဒါရိုက်တာ Kittikorn Liawsirikun က ရိုက်ကူးထားပြီး မင်းသား Sutthirak Subvijitra နဲ့ မင်းသမီး Hansa Jungviwattanawong တို့က အဓိကပါဝင်သရုပ်ဆောင်ထားကြကာ Thanchanok Pakarat, Tanatorn Saenangkanikorn, Kidakarn Chatkaewmanee, Anchuleeon Buagaew, Koon Wattana Chumthong, Jirapat Uttamanan တို့က ပါဝင်အားဖြည့်ထားကြပါတယ်။

ဇာတ်လမ်းပုံစံက မိဘမဲ့အိမ်မှ ချစ်စရာကောင်းပြီး ဉာဏ်ကောင်းတဲ့ကောင်မလေး Real နဲ့ပတ်သက်နေတဲ့ လူဆိုးဂိုဏ်းကို လိုက်ရှာဖွေရန်ကြိုးစားရင်း TAT ရဲ့ကိုယ်စားလှယ်အဖြစ် လူမှုကွန်ရက်တွင် ရေပန်းစားလာခဲ့တဲ့ ခရီးသွားရဲလူငယ် Gob ရဲ့အကြောင်းကို ပုံဖော်ထားတဲ့ အချစ်အက်ရှင်ဟာသ ဒရာမာလေးပဲ ဖြစ်ပါတယ်။ တစ်နေ့မှာ Real ဟာ ဒေါ်လာသန်းချီငွေသားအတုတွေပါဝင်တဲ့ လျှို့ဝှက်ဆန်းကြယ်တဲ့ အိတ်တစ်လုံးကိုတွေ့ရှိခဲ့ရာက ဒီရောင်းဝယ်မှုတွင်ပါဝင်ရန် ဖြစ်လာခဲ့ပါတယ်။

Gob တစ်ယောက် Real ကို အမှန်တကယ် အကူအညီပေးပါ့မလား ဒါမှမဟုတ် ဆိုရှယ်မီဒီယာပေါ်က ဘဝအတုကို လူအများအထင်ကြီးစေရန် ဆက်လက်လုပ်ဆောင်မှာလား။ ဘယ်သူက အစစ်အမှန်လဲ၊ ဘယ်သူကအတုအယောင်လဲ။ ဒီဇာတ်လမ်းလေးက အချစ် သို့မဟုတ် ဆုံးရှုံးမှု တစ်နည်းမဟုတ်တစ်နည်းနဲ့ အဆုံးသတ်သွားမှာပါ။ ‘အတုအစစ်’ ထိုင်းဒရာမာဇာတ်လမ်းတွဲလေးကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။

‘အယောင်ဆောင်ခင်ပွန်း’ ထိုင်းဒရာမာဇာတ်လမ်းတွဲဟာ ဒါရိုက်တာ Chatichai Worapiankul နဲ့ Tik Wasinee Khunanitisarn တို့ကရိုက်ကူးထားတဲ့ အချစ်ဒရာမာစီးရီးတစ်ခု ဖြစ်ပါတယ်။ ဇာတ်လမ်းတွဲတွင် မင်းသမီး Usamanee Vaithayanon နဲ့ မင်းသား Warit Sirisantana တို့က အဓိကပါဝင်ထားပြီး Rattapoom Toekongsap, Amena Gul, Napat Banchongchitpaisal, Sakaojai Poonsawatd, Tanthasatien Pol, Rumruangwong နဲ့ အခြားသရုပ်ဆောင်များစွာက ပါဝင်အားဖြည့်ထားကြတာ ဖြစ်ပါတယ်။

‘အယောင်ဆောင်ခင်ပွန်း’ ဇာတ်လမ်းတွဲလေးက ဆရာဝန်တစ်ဦးဖြစ်သူ Sattawat ဟာ သူ့ရဲ့အကြွေးတွေကိုဆပ်ရန်အတွက် ဟန်ဆောင်လက်ထပ်ခြင်းကို ပြုလုပ်ခဲ့တာဖြစ်ပေမဲ့ သူ့ရဲ့ဟန်ဆောင်ဇနီး Anussaniya ကို အမှန်တကယ်ချစ်မိသွားခဲ့တာ ဖြစ်ပါတယ်။ ဒါပေမဲ့ Anussaniya အတွက်တော့ ဒီလက်ထပ်ခြင်းဟာ သူမနဲ့ သူမခင်ပွန်းရဲ့ ဦးလေးတို့ကြားက မဖြစ်နိုင်တဲ့ဆက်ဆံရေးကို ရပ်တန့်ချင်တာကြောင့် လုပ်ဆောင်ခဲ့တာ ဖြစ်ပါတယ်။ 

အစကတော့ ဒီအယောင်ဆောင်အိမ်ထောင်ရေးဟာ ဘာအဓိပ္ပာယ်မှမရှိဘဲ ရိုးရိုးရှင်းရှင်းသာ ဖြစ်ခဲ့ပေမဲ့လို့ Sattawat က Anussaniya ကို အမှန်တကယ် ချစ်မိသွားတဲ့အခါမှာတော့ ဒီခံစားချက်တွေကို ဖုံးကွယ်ထားဖို့ ခက်ခဲလာခဲ့ပါတယ်။ သူတို့ရဲ့အယောင်ဆောင်အိမ်ထောင်ရေးက ဘယ်လိုတွေဆက်ဖြစ်မလဲ Anussaniya ကရော Sattawat ကို ပြန်ချစ်မိလာမှာလားဆိုတာကို ကြည့်ရှုရမဲ့ အချစ်ဇာတ်လမ်းတွဲကောင်းလေးတစ်ခု ဖြစ်ပါတယ်။ ‘အယောင်ဆောင်ခင်ပွန်း’ ဒရာမာဇာတ်လမ်းတွဲကို https://www.viu.com/ott/mm/mya တွင် မြန်မာစာတန်းထိုးဖြင့် ကြည့်ရှုခံစားနိုင်ပါတယ်။

Ana ဟာ အလုပ်တစ်ခုလိုအပ်နေခဲ့တာဖြစ်ပြီး နောက်ဆုံးမှာတော့ အလုပ်ရသွားခဲ့ပါတယ်။ ဒါပေမဲ့ ဒီအလုပ်ဟာ သူ့အတွက် ခေါင်းကိုက်စေမဲ့အလုပ်တစ်ခု ဖြစ်လာခဲ့တာပါ အကြောင်းအရင်းကတော့ အလုပ်ရှင်သူဌေး Saka ဟာ အရင်ကသူမအဆက်ဖြတ်ခဲ့တဲ့ သူမရဲ့ရည်းစားဟောင်း ဖြစ်နေခဲ့တာပဲ ဖြစ်ပါတယ်။ ဒဏ်ရာဟောင်းတွေနဲ့ ပဋိပက္ခသစ်တွေပေါ်လာချိန်မှာ Ana နဲ့ Saka တို့ဟာ သူတို့ဆက်ဆံရေးရဲ့ ဒုတိယစာမျက်နှာသစ်ကို ရင်ဆိုင်ရန်ပြင်ဆင်ရမှာ ဖြစ်ပါတယ်။

အင်ဒိုနီးရှားဝက်ဘ်စီးရီး ‘Former But Married’ ကို အခြေခံရိုက်ကူးထားတဲ့ ‘အချစ်ဟောင်းနဲ့ ကြုံလေသမျှ’ အချစ်ဒရာမာစီးရီးကို ဇာတ်လမ်း၊ ဇာတ်ညွှန်း Oka Aurora နဲ့ Ninit Yunita တို့က ရေးသားထားပြီး ဒါရိုက်တာ Arwin Tri Wardhana က ရိုက်ကူးပုံဖော်ထားတာ ဖြစ်ပါတယ်။

ဒီဇာတ်လမ်းတွဲတွင် Ana အဖြစ် မင်းသမီး Aurélie Moeremans နဲ့ Saka အဖြစ် မင်းသား Omar Daniel တို့က အဓိကပါဝင်ထားပြီး Ge Pamungkas, Cassandra Lee, Dimas Beck, Rowiena Umboh, Deni Kumis နဲ့ အခြားသရုပ်ဆောင်များစွာက ပါဝင်သရုပ်ဆောင်ထားကြတာ ဖြစ်ပါတယ်။ Viu ရဲ့ မူရင်းစီးရီးဖြစ်တဲ့ ‘အချစ်ဟောင်းနဲ့ ကြုံလေသမျှ’ ကို https://www.viu.com/ott/mm/mya တွင် ကြည့်ရှုခံစားနိုင်ပါပြီ။

အချစ်ဟာသ ဒရာမာစီးရီး ‘ဖုံးကွယ်နေသော အလှတရား’ မလေးရှားဒရာမာဟာ 2015 ခုနှစ်က ထုတ်လွှင့်ပြသခဲ့တဲ့ နာမည်ကြီးအမည်တူ ကိုရီးယားဒရာမာကို အခြေခံရိုက်ကူးထားတာ ဖြစ်ပါတယ်။ ဒီဒရာမာဇာတ်လမ်းတွဲကို ဒါရိုက်တာ Yusry Abd Halim က ရိုက်ကူးပုံဖော်ထားပြီး မင်းသား Aiman Hakim Ridza, Alvin Chean Wah Chong, မင်းသမီး Diana Danielle, Daniella Sya, Dayangku Zyana နဲ့ အခြားသရုပ်ဆောင်တွေက ပါဝင်ထားကြတာ ဖြစ်ပါတယ်။

ရုပ်ရည်ရော၊ ငွေကြေးပိုင်းဆိုင်ရာအခြေအနေတွေ ပြောင်းလဲသွားပြီးနောက်တွင် ငယ်ချစ်ဦးနှစ်ယောက်ဟာ ဖက်ရှင်မဂ္ဂဇင်းတစ်ခုရဲ့ ဝန်ထမ်းတွေအဖြစ် 15 နှစ်အကြာမှာ ပထမဆုံးအကြိမ် ပြန်လည်ဆုံစည်းဖို့ ဖြစ်လာခဲ့ပါတယ်။ Nadia နဲ့ Haniff တို့ဟာ ကျောင်းတက်နေစဉ်အတွင်း အိမ်နီးချင်းသူငယ်ချင်းတွေ ဖြစ်ခဲ့ကြတာပါ။  Haniff ဟာ လှပပြီးရေပန်းစားတဲ့ Nadia ရဲ့ သူငယ်ချင်းဖက်တီးလေး ဖြစ်ပါတယ်။ တစ်နေ့မှာတော့ Haniff ဟာ သူ့မိသားစုနဲ့အတူ နိုင်ငံခြားကိုလိုက်သွားဖို့ ဖြစ်လာတာကြောင့် သူတို့နှစ်ယောက် ဝေးကွာသွားခဲ့ရပါတယ်။

15 နှစ်ကြာပြီးနောက်မှာတော့ Naida ဟာ သူမရဲ့ဆံပင်ကောက်ကောက်တွေ၊ မျက်နှာပေါ်ကတင်းတိပ်တွေကြောင့် အရင်ကလို ဆွဲဆောင်မှုရှိမနေတော့ပါဘူး။ သူ့ပတ်ဝန်းကျင်ကလူတွေက သူမကိုလှောင်ပြောင်တတ်ကြပေမဲ့ ကံကောင်းစွာနဲ့ သူမဆီမှာ Jo ဆိုတဲ့ သူငယ်ချင်းကောင်းလေးတစ်ယောက် ရှိနေခဲ့ပါတယ်။ Jo ဟာ ကြင်နာတတ်ပြီး လူအများရဲ့ချစ်ခင်ခြင်းကို ခံရသူဖြစ်ကာ သူက သူ့သူငယ်ချင်းကို အမြဲတမ်းအားပေးကူညီတတ်သူတစ်ယောက်လည်း ဖြစ်ပါတယ်။ တစ်နေ့မှာတော့ မလေးရှားကိုပြန်လာတော့မဲ့ Haniff က Naida ကို မေးလ်ဖြင့်ဆက်သွယ်လာခဲ့တာကြောင့် သူမအရမ်းကို စိတ်လှုပ်ရှားသွားခဲ့ပေမဲ့ သူမရဲ့လက်ရှိပုံစံကြောင့် စိတ်ပူနေမိခဲ့ပါတယ်။

အဲ‌ဒီနောက်မှာတော့ သူမက Jo ကို အကူအညီတောင်းခဲ့တာဖြစ်ပြီး Jo ကလည်း သူငယ်ချင်းရဲ့တောင်းဆိုမှုကို သဘောတူခဲ့ရပါတယ်။ Haniff ရဲ့စိတ်ထဲမှာတော့ Jo ကို Naida လို့ ထင်မှတ်နေခဲ့တာပါ။ တကယ်တမ်း Naida Rahman ဟာ The Most မဂ္ဂဇင်းဌာနရဲ့ ယာယီဝန်ထမ်းတစ်ယောက်ဖြစ်ကာ အမြဲတမ်းဒေါသထွက်နေတတ်သူလည်း ဖြစ်ပါတယ်။ ကံကောင်းထောက်မစွာနဲ့ Naida ရဲ့ လုပ်ဖော်ကိုင်ဖက် Ashraf ဟာ အမြဲတမ်းသူမရဲ့ ကယ်တင်ရှင်ဖြစ်ပြီး တစ်ဖက်မှာတော့  Jo က Haniff ကို ချစ်မိသွားခဲ့တာပါ။ Jo နဲ့ Naida တို့က Jo ဟာ Naida မဟုတ်ကြောင်း Haniff ရှင်းပြနိုင်ပါ့မလား၊ Haniff ကရော အရင်ကလိုမဟုတ်တော့တဲ့ သူ့ရဲ့လက်အောက်ငယ်သား Naida ကို ဆက်ပြီးသဘောကျနေနိုင်ပါဦးမလားဆိုတာကို ကြည့်ရှုရမှာပါ။ ‘ဖုံးကွယ်နေသော အလှတရား’ အချစ်ဒရာမာစီးရီးလေးကို https://www.viu.com/ott/mm/mya တွင် ဝင်ရောက်ကြည့်ရှုနိုင်ပါတယ်။